تبسيط التبسيط فى علم المواتير-3

!ساعة حائط من سلاح منشار خشب قديم
July 23, 2015
تبسيط التبسيط فى علم المواتير-4
July 25, 2015

السلام عليكم 🙂

اتكلمنا المرتين اللى فاتوا عن الماتور التيار الثابت و الماتور الخطوى البسيط

و قولنا ان احنا هنتكلم على الجسر رباعى الابعاد (H-Bridge) فى مرة قبل كده و جيه الوقت ليها دلوقتى

الH-bridge هيا دايرة الكترونية هدفها التحكم فى سرعة و اتجاه الماتور بتاعك

بتشتغل ازاى ؟ من اسمها واضح ان ليها علاقة بحرف ال H فى الانجليزى

لو تفتكروا الاتجاه كنا بنتحك فيه من خلال اتجاه التيار جوا الماتور السرعة هنتكلم عليها بعدين ان شاء الله

فى الاول تعاولوا نفترض ان احنا عايزين نوصل التيار فى اتجاه واحد ثابت ما بيتغيرش

ممكن نعمل دايرة زى دى كده

 Screenshot_8

S1 و S4 هما عبارة عن مفاتيح كهربية عايدة خالص تقفل المفتاح التيار يمشى تفتحه التيار يقف يبقا كدا انا لو قافل المفتاحين مع بعض التيار هيمشى من V+ ل GND

طيب لو حابب اعكس التيار ده يبقا الدايرة شكلها هيكون كده

Screenshot_9

S2 و S3 هما مفاتيح كهربية برضه.

طيب ايه اللى يحصل لو حطينا الديارتين مع بعض ؟

Screenshot_7

كده انا ممكن اتحكم فى اتجاه التيار بتاعى بانى اقفل المفاتيح اللى انا عايزها بس

Screenshot_11 Screenshot_10

فى طريقتين توصيل كمان انى اقفل المفاتيح اللى فوق او اللى تحت بس زى دى كده

Screenshot_12

دى ببساطة هتفرمل الماتور بتاعك علشان الطرفين بتوعه واصلين على بعض و تخليه قافش فى مكانه بتكون مفيدة لو حابب انك تثبت الماتور عند مكان معين علشان دراع الروبوت بتاعك شايل حاجة مثلا

فى كمان انك تقفل المفاتيح اللى فى الناحية اليمين او الشمال زى دى كده

Screenshot_13

دى بقا خطر جدا و تحرق الديارة و تحرق انت شخصيل و المكان اللى انت فيه (مش بهذر فى H-Bridges ولعت فى ايدى قبل كده بسبب الحوار ده)

بتحصل فى العادى بسبب خطا فى تصميم الدايرة بتاعتك او فى الطريقة اللى بتفتح و تقفل بيها المفاتيح

طيب كذا عرفنا الاتجاه طيب و السرعة ؟

بتتحكم فى السرعة بانك تتحكم فى القوة الكهربية اللى بتوصلها للماتور (Power) و هنا فى حل من اتنين اما انك تتحكم فى كمية التيار اللى داخل للماتور بانك تقلله او تعليه على حسب احتياجك و ده بيحتاج دايرة تانية او فى حل تانى ابسط هنشرحه دلوقتى

تخيل ان عندك مروحة المروحة دى لو قفلت المفتاح بتاعها هتبدا تلف و تسرع لحد ما توصل للسرعة بتاعتها و سرعتها تثبت عند كده

طيب لو فتحت المفتاح بتاعها هتبدا تبطا لحد اما تقف خالص

طيب لو قفلت المفتاح و قبل اما توصل للسرعة بتاعتها رحت فاتحه و قبل اما تقف رحت قافله و قعدت تكرر الموضوع ده

هتلاقى المروحة شغالة على سرعة متوسطة نسبيا مش واقفة ولا على السرعة بتاعتها و هيا دى اساس الفكرة بتاعتنا

انك بتتحكم فى الوقت الللى التيار واصل للماتور فيه كل اما تبقا عايز يمشى براحة تقلل الوقت اللى التيار واصل فيه للماتور و كل اما تحب تسرعه تزود الوقت ده.

طبعا المفاتيح الكهربية فى الH-Bridge ما بتكونش مفاتيح يدوية بتكون مفاتيح الكترونية (Transistor) بس ده مش هدفنا النهارده لو جينا نتكلم عى واحدة من ال H0Bridge اللى انا بحبها هيا l298

detail_336_L298N-512

الشريحة الالكترونية دى فيها 2 H-Bridge مش واحدة بس بمعنى ان هيا تقدر تتحكم فى ماتروين فى نفس الوقت كل واحدة 46V,2A و دى شكل الدايرة المطلوبة للتشغيل

Screenshot_14

مصدر الطاقة بتاع الماتور بيوصل على رجل 4 و بتاع الدايرة الاكترونية بتاعك على 9 و الارضى على 8

التحكم فى واحدة من ال 2 H-Bridge بيكون باستخدام ارجل 10 و 12 و 15

15 هيا الرجل اللى بتستخدمها علشان تتحكم فى السرعة لو اديتلها 5V على طول هتلاقى الماتور ماشى باقصى سرعة لو اديتلها 0V هتلاقى الماتور ما بيتحركش اساسا 😀

و باستخدام ال pwm ( بص على ده ) تقدر انك تتحكم فى السرعة بتاعتك كل اما تديله Duty Cycle كبيرة كل اما السرعة تزيد و كل اما تقللها كل اما السرعة تقل

و 10 و 12 بتتحك بيهم فى الاتجاه و الفرملة

لو 10 عليها 5V هتلاقى الماتور بيتحرك فى اتجاه و لو عكستهم اتجاه الماتور هيتعكس

و لو خليت الاتنين قد بعض هيفرمل زى ما شرحنا قبل كده

من مميزات l298 انك ممكن تعمل على تقسيم للاحمال بتاعتاك يعنى لو عندك ماتور واحد بس كبير 3A مثلا تقدر انك تقسم التيار بتاعه على ال 2 H-Bridge اللى فى l298

و دى الدايرة بتاعت ده

Screenshot_15

و هنا ببساطة انت بتربط كل طرف فى ال H-Bridge بالطرف المساوى ليها فى ال  H-Bridge التانية