BOOGIE BOX – عفريت العلبة

Short Circuit – Electronics 102
October 26, 2015
اعرض بياناتك
November 12, 2015

                                                              عفريت  العلبة BOOGIE BOX

فيديو بيوضح المشروع  😀

Boogie box dancing

بتحب الرقص؟ نفسك تلعب بحاجات بترقص …. تقدر تخلي اي حاجة

ترقص على اي اغنية لو عملت العلبة السحرية دي=D

ميزة العلبة دي بساطتها  وامكانياتها كتيرة جدا …. شوية شغل وتركيز

وهتوصل لنتيجة مبهرة جدا وهتعجب كل الناس.

(تنويه: انا كنت جزء من فريق  مكون من تلاتة عملو المشروع ده هما هاني حامد وعبدالرحمن علاء)

________________________________________________________

المكونات الرئيسية :

1 –  ملف :

هنحتاج في حدود 600 جرام ملفات….. الملف هو سلك نحاس معزول

وملفوف حوالين معدن(هنشرح اودام شوية النظرية والهدف من

الحاجات دي)….. النحاس هيبقى ربع ميلي 0.25  مرشوش بورنيش

تقدر تجيبهم من العتبة الكيلو في حدود 100 جنيه ولو فاصلت مع

الراجل ممكن تجيبهم  بأقل وده شكلو.

selk

– مسامير :

هنحتاج 20 مسمار (بالصواميل)قطرو في حدود 4.8 ميلي وطولو حوالي 10 سم (اي فروق صغيرة مش هتعمل فرق كبير)

ms

– اقلام جاف :

هنحتاج 20 قلم جاف اي نوع بشرط ان المسمار يدخل فيهم… يعني يفضل نجيب

المسمار الاول وبعد  كدا نجيب قلم ونشيل منو الانبوبة ونجرب ندخل المسمار

مهم ان القلم يبقى يادوبك بيدخل المسمار ( يعني ولا واسع والقلم بيلق-بيتهز

جوا القلم ولا تكون ضيقة جدا ) ويبقى طول القلم على اد المسمار ( لو طولو اكتر

من المسمار ممكن يتقص-يتكسر-يتنشر) بمنشار او بصاروخ او اركيت .

2lm

– neodymium magnets- مغناطيس نيوديميوم :

هو مغناطيس بس قوي موجود الصغير منو في عبده باشا ب 6 جنيه الواحد.

mag

_________________________________________________________________________________________________________

– هنحتاج  مكونات تانية زي خشب او acrylic ولزق وبوردة نحاس وشمع

ودوكو مطاط (مطفي) واسلاك و قصدير.

– الأدوات :

 -شنيور

 – ولاعة

 -مكوة لحام

 -مسدس شمع

الماكينات (المكن) المستخدمة :

laser cutter  موجودة في فاب لاب

_________________________________________

المكونات الالكترونية: (من  باب اللوق او عبده باشا)

-(uln2003(ic

uln

pin headers-(سنون)

  -adaptor 12v  3A

adap

راس لل adaptor

b

شرح الفكرة (النظرية) :

d

كلنا خدنا في ابتدائي النظرية دي اكيد بس خلوني افكركو بيها …. لو عندنا مسمار ولفينا حواليه سلك معزول ودخلنا كهربا في السلك فاحنا كدا حولنا الطاقة الكهربائية لحقل مغناطيسي…بالبلدي كدا عملنا مغناطيس .

افتراضا بقا اننا حطينا 20 مسمار ملفوف حواليهم اسلاك ومعزولين ووصلنا الاسلاك دي بمتحكم زي ال Arduino  عشان يشغلهم ويطفيهم بالشكل ده

box

كل دوارية بتمثل مسمار ملفوف بسلك معزول.

مغناطيس (neodymium)  :  هو زي ما قولنا مغناطيس قوي

الفكرة اننا لما ندخل كهربا للملف ويتحول مغناطيس هيشد المغناطيس ده نحيتو بالتالي هنقدر نتحكم بحركة المغناطيس لو حطينا مغناطيس ف رجل اي عروسة صغيرة او شخصية معمولة من ورق هنقدر نخليها كانها بترقص على اغنية زي ما في الفيديو اللي في الاول

                                                                                       الخطوات

– الملفات

اول خطوة هي تدخيل المسامير في القلم(تقدر تبص على شرح الحتة دي في شرح المكونات)…. بعد كدا هنحط المسمار بالقلم في شنيور مكان البونطة =D ايوة زي ما سمعت…. من الصعب جدا انك تلف كل الملفات دي بايدك هتاخد وقت طويل جدا وهتتعب الاحسن انك تستخدم شنيور زي كدا.

coil

هنستخدم اللزق ف الاول عشان تلزق اول حتة ف الملف في القلم وبعد كدا كمل لف(مهم يبقى اللف منتظم ومرتب).

من المهم ان الملفات تبقى زي بعضها ف يفضل يبقى معاك ميزان توزن بيه وزن الملف(كان بيبقى معانا في حدود 25 جرام).

بعد ما تخلص لف وتوزن لف بلزق حوالين الملف كلو وسيب الطرفين بس (مهم انك  تميز البداية من النهاية بتاعت كل الملفات).

بعد ما تخلص لف  اللزق  استخدم الولاعة عشان تسيح الورنيش وجرب حطهم على اي مصدر بيطلع 12 فولت وجرب تقرب اي حاجة حديد من المسمار وشوف بقا مغناطيس ولالا وعيد الموضوع ده ف ي ال 20 ملف =D

laf

wzn

wl3

-صنع الصندوق =D

هو ببساطة احنا عاوزين نعمل صندوق نحط فيه الملفات بالشكل زي اللي فوق( في جزء شرح الفكرة)

احنا عملناه بخشب بس هو ممكن يتعمل بحاجات تانية

هنحتاج laser cutter  هتوفر علينا شغل ومجهود جامد

الصندوق هو عبار عن قاعدة واربع حيطان وسقف هيعشقو في بعض … بعد ما نعمل الهيكل محتاجين نعمل من جوا خشب يقسم الصندوق من جوا ل 20 مربع (الرسومات على solidworks في الاخر تحت… ممكن تستخدم برامج تانية).

5orm

متنساش تخرم خرمتين تطلع منهم طرفين كل ملف واتاكد ان مميز البداية من النهاية.

New Skitch

الاجناب(خلي المسمار اطول من الصندوق عشان يركب فيه صامولة).

القطعة اللي ف النص.

nos

__المفروض الشكل النهائي يطلع عامل كدا

final

وبعدها ممكن نحط السقف =D

بعد ما خلصت الصندوق ممكن نثبت المسامير من تحت وتلحم اطراف الملف او تبرمهم او تلزقهم باي شكل مع اسلاك اتخن عشان تعرف تستخدهم(اتاكد انك مفرق البداية والنهاية بتاعت كل ملف).

sham3

بعد كدا هنزود قعدة كبيرة تحت عشان نحط فيها ال arduino  وال pcb (ملفات الرسومات في الاخر)

New Skitch

ونعمل غطا من تحت يبقى سهل نفتحو ونقفلو….ممكن بعد ما نخلص ده نرشو بدوكو او اي حاجة عشان يبقى شكلو احلى

                                                                               الدايرة

هنعرفكم هنا ب ic  اسمها uln2003  ال ic دي عبار عن not gate  يعني ندخلها كهربا تديني ground.

الفكرة الرئيسية في التحكم اننا هندخل كهربا من ال adaptor عادي جدا للملفات بس مش هنوصل ال ground بتاعو بالملفات هنوصلو ب ground الارديونو وال uln ولما ندخل لل uln  كهربا يوصل ال ground  بالground   فا الملف يمشي فيه كهربا ويشتغل ويدخل فيه كهربا.

circuit

ملف الدايرة كاملة وال pcb  موجودين في الاخر.

صناعة ال pcb  :

  هنحتاج نجيب بوردة نحاس ونرش عليها دوكو وباستخدام ال laser cutter  هناكل كل الدوكو ما عدا التوصيلات اللي فيها كهربا بحيث انها تبقى بالشكل ده (البوردة دي عبار عن shield  بيدخل في ال  (arduino

pcb

بعد كدا هنحطها في حمض عشان يتفاعل مع النحاس وياكلو ويتبقى بس النحاس اللي تحت الحبر … نقدر بعدها نشيل الحبر بمية وليفة =D

الخطوة الجاية اننا نخرم البوردة مكان المكونات باستخدام بونطة واحد ميلي وشنيور يدوي صغير

New Skitch

بعدها هنلحم الحاجة ونوصل ال اسلاك الملفات بال pcb  ونكتب الكود….. تقدر تشوف الكود تحت بال comments عشان تفهمو( ان كنت اعتقد انك تخيلتو بالفعل) هو بشكل اساسي انك تشغل ملفات معينة بترتيب معين عشان تحرك المغناطيس.

تقدر تستخدم شخصية من ورق او اسلاك تخينة او لعبة صغيرة قماش ^_^

الكود : code

الرسومات: box design

الدايرة : PCB

اتمنى اكون فيدتكم واي حد عندو استفسار يبعت على ال emails  دي:

ahmedisme@outlook.com

    abdo861999@outlook.com

hanyhytham606@gmail.com

  • Asmaa Tarek Fahmy

    fein fe 3abdo basha elNeodymium magnet pleaaaaaaaaaaaaaaaaaaaaaaaaaase walla battalo yebe3ouh 3ala naseiby??

  • abdelazeez mabrouk

    معلش ممكن تقول لي عنوان المكان اللي بيبيع المغناطيسات ؟