اتحكم فى مشاريعك بالريموت عن بعد و استمتع بالانتخة
August 13, 2015
سلسله التحكم بالمنزل – ون شيلد سمعنا صوتك
August 26, 2015

التصنيع الرقمي هو جزء من عملية التصنيع بيستخدم فيها مكن بيتم التحكم فيه من خلال الكمبيوتر CNC “computer numerically controlled” و المكن ده بيكون متوفر في أي فاب لاب, لو عاوز تعرف أكتر زور الرابط ده, هيوضحلك المكن الموجود عندنا في فاب لاب:
http://fablabegypt.com/machines/

المبهر في الموضوع انك بكل بساطة تقدر تعمل أي تصميم علي اللاب توب بتاعك و تنفذه في الحقيقة, سواء كان 2D design و تقدر تنفذه علي ماكينة الليزر أو الفينيل أو ثلاثي الأبعاد و تقدر تنفذه باستخدام ال 3D printer أو تحفره باستخدام الموديلا

عشان تقدر توصل المكن ده بالكمبيوتر بتاعك و تصنع التصميم اللي عملته بتحتاج يكون عندك سوفت وير مناسب لحاجة زي كده, و ده اللي بتقدمه ال fab foundation في صورة ال fab modules

ايه هي ال fab modules ؟ زي ما مطوريها سموها فهي سوفت وير أي ماكينة في معمل التصنيع ” software to run any fab lab machine”
تم تطويرها في معهد ماستشوستس للتكنولوجيا في center of bits and atoms بواسطة fab network

هتحتاج يكون عندك لينكس كنظام تشغيل و تقدر تحمله من هنا :

http://www.ubuntu.com/download/desktop

تسطيب ال fab modules بيعتمد ببساطة علي انك بتحمل الكود المصدري ليها من موقعها الرسمي :
http://kokompe.cba.mit.edu

و بعد كده تعمل compile & install علي اللاب توب بتاعك 🙂

لمستخدمي ubuntu 

الخطوة الأولي هي تثبيت التبعيات dependencies أو بمعني أدق المكتبات البرمجية المستخدمة في ال fab modules و ده هيكون من خلال التالي :

افتح terminal باستخدام الأمر alt+ctrl+t و اكتب داخله الأمر التالي :

sudo apt-get install python python-wxgtk2.8 python-dev python-pip gcc g++ libpng12-dev make bash okular libboost-thread-dev libboost-system-dev cmake libboost-all-dev libgif-dev

Screenshot from 2015-08-22 12:07:18

Screenshot from 2015-08-22 11:39:23

بعد كده هتحتاج تدخل علي سطح المكتب باستخدام الأمر
cd Desktop
و تنشئ فيه فولدر جديد باسم fabmodules باستخدام الأمر
mkdir fabmodules
بعد كده ادخل الفولدر ده باستخدام الأمر
cd fabmodules

دلوقتي هتحتاج تعمل دونلود لل fab modules و ده هيكون باستخدام أمر wget كالتالي :

wget http://kokompe.cba.mit.edu/fab_src.zip

Screenshot from 2015-08-22 12:09:31

دلوقتي ال fab modules نزلت علي اللاب توب بتاعك في ملف مضغوط اسمه fab_src.zip هتحتاج تفك الضغط بتاعه باستخدام أمر unzip

unzip fab_src.zip

Screenshot from 2015-08-22 12:10:49

بعد ما فكيت ضغط الملف هتحتاج تنفذ عملية التجميع” compiling ” و هتستخدم فيها أمر make 

make fab

Screenshot from 2015-08-22 12:13:09

بعد كده هنحتاج نسطب ال fab modules فهنستخدم أمر make install و هنحتاج صلاحيات الجذر root عشان تقدر تعمل ده 

sudo make install 

Screenshot from 2015-08-22 12:13:28

مبروك 😀 كده انت سطبت ال fab modules علي جهازك, عشان تقدر تفتحها في أي وقت افتح ال terminal و اكتب الأمر التالي 

sudo fab 

Screenshot from 2015-08-22 12:14:21

كل اللي هتحتاج تعمله هو انك تحدد صيغة ملف الإدخال (صيغة التصميم بتاعك) و تحدد العملية اللي انت عاوز تعملها هتكون بأي مكنة و تبدأ في تنفيذها, و بإذن الله هيكون ليها شرح وافي مع أمثلة عملية في مقال تاني 🙂 

@ جميع الحقوق محفوظة تحت رخصة المشاع الإبداعي الإصدارة الرابعة بشروط النسبة- المشاركة بالمثل- عدم الإستغلال التجاري