تبسيط التبسيط فى علم المواتير-1

DIY Robotic Arm
June 29, 2015
تبسيط التبسيط فى علم المواتير-2
June 29, 2015

ملحوظة فى بعض الصور فى المقال ده متاخدة من جوجل مباشرة فا حقوق الملكية محفوظة لاصحابها اكيد ندخل فى الجد

طيب كلنا مسكنا مواتير و لعبنا بمواتير و شفنا ده قبل كده 😀 😀

11653341_10153357305816113_682832991_n

و لو انت بتعس على النت كتير هتلاقى ان فى هرى كتير على 3 انواع من المواتير

موتور تيار ثابت (DC Motor) و ده زى اللى فوق و هوا ابسط واحد فيهم

اللى كان فى ثانوية عامة زى و دى نسبة كبيرة و كان بيحب الفيزياء زى برضه و طبعا دى نسبة كبيرة برضه 😀 😀

هيفتكر ان احنا درسنا نوع من المواتير كان لسه رسمة زى دى كده

كل اما توصله كهرباء يلف توصله زى ما فى الصورة كده هتلاقيه بيلف عكس عقارب الساعة لو باصص من ناحية المغناطيس و لو عكست البطارية اللى فى الصورة هتلاقيه هوا كمان عكس اتجاهه الدوران بتاعه

مواتير التيار الثابت ما عندهاش غير طرفين و انت بتتحكم فى الفولت و التيار اللى داخل من خلال الطرفين دول

كا قاعدة عامة لو زودت الفولت و قدرت تخلى التيار ثابت هتلاقى الماتور بتاعك سرعته بتزيد بشكل خطى تقريبا

و لو زودت التيار و قبت الفولت هتلاقى العزم بتاع الماتور بتاعك بيزيد قوى

ايه الفرق بين العزم و السرعة ؟

العزم هوا القوة اللى المحور بتاع الماتور يقدر يبزلها و السرعة هيا السرعة اللى المحور بتاع الماتور بيلف بيها

زى الفرق بين العربية النقل و عربية السباق او زيك انت و انت سايق عربيتك على الاول او الخامس

على الاول بيكون العزم اعلى حاجة و السرعة مش قد كده

على الخامس السرعة اعلى حاجة بس العزم مش قوى و علشان كده لو حملت عربيتك كتير هتلاقيها ما بتجريش

ازاى بنتحكم فيه ؟

فى حاجة اسمها جسر رباعى الاطراف (H-Bridge)  هنتكلم عنه بالتفصيل فى مقال تانى ان شاء الله

بس ببساطة انت بتوصل الماتور بتاعك بيها بتسمحلك انك تتحكم فى الاتجاه بتاع الدوارن بتاع المحور بتاعك و السرعة بتاعت دوران المحور و فى منها انواع بتسمحلك تقيس التيار اللى ماشى فى الماتور بتاعك كمان

ده شرح مبسط لازاى تعمل تحكم فى الماتور بتاعك بالاردوينو

http://garagelab.com/profiles/blogs/tutorial-l293d-h-bridge-dc-motor-controller-with-arduino

و هنشرح فى مقال تانى بالتفصيل ال H-Bridge بتشتغل ازاى و ازاى تستعملها.

  • eslam action

    السلام عليكم لو سمحت محتاج موتور DC ١٢او٢٤فولت يكون عزمة شديد وحجمة صغير للعمل تحت الماء كموتور المركب يكفى لسحب ١٠٠ كيلو داخل الماء عايز اعرف احسب حسبة العزم مع السرعة الزاى وانهى موتور مناسب