تبسيط التبسيط فى علم المواتير-2

تبسيط التبسيط فى علم المواتير-1
June 29, 2015
سلسله التحكم فى المنزل – الاندرويد و البلوتوث
June 30, 2015

اتكلمنا فى مقال 1 عن ماتور التيار الثابت (DC Motor)

دولقتى هنتكلم عن الماتور الخطوى ببساطة زى ما هوا باين من اسمه بيتحرك فى خطوات بيقسم الدوران الكامل (360 درجة) لعدد معين من الخطوات فى العادى بيكون 200 خطوة

قبل ما نكمل علشان تتخيل بيحرك فى خطوات ازاى شوف الفيديو ده

 

دلوقتى ده ميزته ايه و عيبه ايه

ميزته الاساسية فى الدقة الرهيبة اللى ممكن توصل ليها بيه احنا بنتكلم ان العادى اللفة الواحدة فيها 200 خطوة (1.8 درجة) و ممكن بسهولة تخليهم 400 (0.9 درجة) و ممكن توصل لاكتر من كده كمان (6400 (0.05625 درجة) ) و اكتر بس الموضوع بيكون اصعب كتير اعلى من كده.

عيبه ان التحكم فيه اعقد واحد فى التلات انواع من المواتير و اسخف واحد فى التحكم فيهم

عدد اطرفه بيختلف ما بين 4 و 6 و 8 كل واحد بيكون ليه دايرة تحكم مختلفة شوية بس فى الاساس كلهم متشابهين علشان نتكلم علىهم محتاجين نفهم الماتور الخطوى بيشتغل ازاى شوية الاول

برضه فيزياء ثانوية عامة كنا درسنا انك لو عديت تيار جوا ملف هينتج عنه مجال مغناطيسى او ببساطة هتكون عملت مغناطيس كهربى

Picture2

الماتور الخطوى شغال بالفكرة دى بالضبط

لو بصيت هتلاقى ان الترس اللى جوه ده هوا المحور بتاع الماتور و اللى حواليه هيا مغانطيس كهربية كل مرة بتشغل واحد منهم فا تخلى المحور يتحرك خطوة واحدة بس

فا لو جينا نمسك ابسط ماتور خطوى هنلاقى ان عنده 4 اطراف متوصلين ب2 مغناطيس كهربى زى الصورة دى كده

فا انت بتشغل واحد بشد المحور خطوة و بعديها تطفى الاول و تشغل التانى يشده خطوة تانية و هكذا و هكذا شوف الصورة دى كويس قبل ما تكمل

فا انت بتقدر تتحكم فا الاتجاه بتاع محور الماتور بانك تشغل و تقفل المغناطيس بترتيب معين و تتحكم فى السرعة عن طريق انك تفتح و تقفل المغناطيس بسرعة اكبر او اصغر

الخطوة اللى جاية ازاى تعرف تميز ان اى طرف بيوصل لاى طرف فى المغناطيس الكهربى شوف الفيديو ده

كا تجربة بسيطة فى الامثلة اللى بتيجى مع الواجهة البرمجية لاردينو  (Arduino IDE) مثال موجود فى المسار الاتى

File>Examples>Stepper>stepper_oneRevolution

ده مجرد انك توصل الماتور الخطوى بتاعك على رجول رقم 8-11 فى بوردة الاردينو هتلاقى الماتور بتاعك بيلف لفة كاملة فى اتجاه عقارب الساعة و بعديها لفة كاملة عكس عقارب الساعة

هنكمل مع بافى انواع المواتير الخطوية المقال الجاى ان شاء الله